თურქულ კომპანიას თანამშრომლები არაადამიანურ მოპყრობასა და შრომის პირობების დარღვევაში ადანაშაულებენ. საუბარია კომპანია „ფოლადიოლზე“, რომელიც ჩქაროსნული მაგისტრალის მშენებლობითაა დაკავებული.

კომპანიის 20 თანამშრომელი აცხადებს, რომ ხუთი თვეა მუშაობა მონურ მდგომარეობაში უწევთ, რადგან 9 საათის ნაცვლად 14 საათი მუშაობენ, შესაბამის ანაზღაურებას კი არ იღებენ.

კომპანიის თანამშრომლები დახმარებას ხელისუფლებისგან ითხოვენ. აღნიშნულ ბრალდებებზე, კომპანიის ხელმძღვანელობა კომენტარს არ აკეთებს.