რა ვითარებაა ტყიბულის შახტში - გერმანიიდან სპეციალურად მოწვეული ექსპერტები მდგომარეობის შესწავლას აგრძელებენ. ექსპერტები დოკუმენტაციის გაცნობის შემდეგ, დღეს შახტში ჩავლენ და იმ ადგილს დაათვალიერებენ, სადაც უბედური შემთხვევა მოხდა:

„უკვე დაიწყება შახტის ვიზუალური დათვალიერება. პრაქტიკულად მთელი დღის განმავლობაში მოხდება ექსპერტების აქ გაჩერება. და პერიოდულად შევძლებთ როდესაც რეპორტები დაიწერება, პირველი რეპორტის წარმოდგენა გათვალისწინებულია ორი კვირის შემდგომ, და მეტ დეტალიზაციაზე შევძლებთ ამის შემდგომ ვისაუბროთ,“-განაცხადა შრომის ინსპექციის უფროსმა ბექა ფერაძემ.

სპეციალისტებმა უნდა დაადგინონ, არის თუ არა შახტში მუშაობა სიცოცხლისთვის უსაფრთხო.