2018 წლის 5 ნოემბერს, 9:30 საათზე სასტუმროში რედისონ ბლუ ივერია ევროპის საბჭოს ოფისი საქართველოში, USAID-ის კანონის უზენაესობის მხარდაჭერის პროგრამა - PROLoG და ევროკავშირის სასამართლოს მხარდაჭერის პროექტი - EU4Justice მართავენ საერთაშორისო კონფერენციას ,,ქალ მოსამართლეთა როლი სასამართლო სისტემაში'.

კონფერენციას გახსნიან კრისტიან ურსე - ევროპის საბჭოს ოფისის ხელმძღვანელი საქართველოში, პიტერ ვიბლერი - აშშ საერთშორისო განვითარების სააგენტოს საქართველოს მისიის ხელმძღვანელი, კატალინ გერმანი - ევროკავშირის წარმომადგენლობა საქართველოში, პროექტების განყოფილების უფროსის მოადგილე, გიორგი მიქაუტაძე - იუსტიციის უმაღლესი საბჭოს მდივანი, თამარ ჩუგოშვილი - პარლამენტის თავმჯდომარის პირველი მოადგილე და მზია თოდუა - უზენაესი სასამართლოს თავმჯდომარის მოვალეობის შემსრულებელი.

კონფერენციაზე განხილული იქნება ქალების თანაბარი მონაწილეობის მნიშვნელობა, გენდერული სტერეოტიპების ფორმირება, გენდერული მრავალფეროვნების გავლენა სამოსამართლო გადაწყვეტილების მიღების პროცესში, მათ შორის გენდერულად მგრძნობიარე სასჯელის დანიშვნის პროცესი და სხვა მნიშვნელოვანი საკითხები.

2018 წლის ოქტომბრის მონაცემებით, საქართველოში მოსამართლეთა საერთო რაოდენობა 306-ს შეადგენს. მიუხედავად იმისა, რომ მათ შორის 53.3% ქალი მოსამართლეა, მათი წარმომადგენლობა მენეჯერულ პოზიციებზე ბევრად დაბალია. 26 სასამართლოს თავმჯდომარედან, მხოლოდ 4 პოზიციაა ქალთა მიერ დაკავებული