"დაგვაქციეს, მათი გამდიდრებისთვის ანგელოზივით ძმიშვილი მომიკლეს"- რას ითხოვენ კარიერის აფეთქების შედეგად გარდაცვლილი ბავშვის ახლობლები

შემთხვევა - 11:40, 01 Nov, 2018

1781

ქედაში მომხდარმა ტრაგედიამ მთელი საქართველო შეძრა - კარიერზე მომხდარ აფეთქებას 6 წლის ბავშვის სიცოცხლე ემსხვეპლა. შინაგან საქმეთა სამინისტრომ ფაქტზე 3 პირი დააკავა, ისინი თურქეთის მოქალაქეები არიან.

გამოძების ინფორმაციით შპს „სტრუიკ გრუპ ჯორჯიას” ქვეკონტრაქტორი კომპანიების თანამშრომლები ქედის რაიონის სოფელ ჭინკაძეებში, გამოძიების პირველადი ინფორმაციით უკანონოდ და უსაფრთხოების წესების დარღვევით აწარმოებდნენ ბურღვა-აფეთქებით სამუშაოებს.

მოზარდს ქვა თავის არეში მოხვდა და ადგილზე გარდაიცვალა.

გამოძიების პროცესში მტკიცებულებების მოპოვების შედეგად შესაძლოა გამოიკვეთოს სხვა პირთა პასუხისმგებლობის საკითხიც.

გარდაცვლილი ბავშვის ახლობლები საქმის დროულ გამოძიებას და კარიერზე სამუშაოების შეწყვეტას ითხოვენ.

ადგილობრივების თქმით, აფეთქებას ძლიერი ბიძგები მოჰყვა, რამაც მიმდებარე ტერიტორიაზე საცხოვრებელი სახლებიც დააზიანა.

თვითმხილველები ყვებიან, რომ ძლიერი აფეთქების შემდეგ, ხმაურზე ბავშვი ეზოში გავარდა, რა დროსაც მას ლოდინს ნატეხი თავზე დაეცა.

"დაგვაქციეს მაგ ოხრებმა, მათი ჯიბის გულისთვის, გამდიდრების გულისთვის ერთადერთი, ანგელოზივით ძმიშვილი მომიკლეს. კარიერმა მუშაობა არ უნდა გააგრძელოს, უნდა მოისპონ“- აცხადებს გარდაცვლილის მამიდა, დარიკო გორგილაძე.

თვიოთმხილველი, ნუგზარ ოსანაძე ამბობს, რომ მოსალოდნელი აფეთექბის შესახებ მოსახლეობა გაფრთხილებული იყო.

„ბავშვი ეზოში იჯდა, შიშის ნიადაგზე გაქცეულა და ჭშიშკართან დაწევია ქვა და თავზე დაეცა“- აღნიშნნა მან.

მოსახლეობა ამბობს, რომ უსაფრთხოების ნორმები დაცული არ არის.

„ვითხოვთ სოფელში კარიერზე სამუშაოები შეწყდეს. აფეთქების შედეგად ბიძგები ძალიან ძლიერი იყო. ტრაგედიასთან ერთად საცხოვრებელი სახლებიც დაზიანდა. უსაფრთხოების ნორმები არ იყო დაცული, მართალია გაგვაფრთხილეს, რომ აფეთქება იქნებოდა, მაგრამ

დროზე ადრე მოხდა და მნიშვნელოვანდ დაგვაზარალა. არ იყო უსაფრთხოების ნორმები დაცული, რამაც ამ შედეგამდე მიგვიყვანა", - აცხადებენ გარდაცვლილი ბავშვის ახლობლები.