გორში სასტიკად მოკლული 8 წლის ნანიკო ბერიაშვილი კვერნაკის სასაფლაოზე დაკრძალეს.

"ნიუპოსტის" კორესპონდენტის ცნობით, გოგონას ცხედარი წმინდაწყლის დასახლებაში მდებარე წმინიდა ნიკოლოზის სახელობის ტაძარიდან გადაასვენეს, სადაც სამოქალაქო პანაშვიდი მიმდინარეობდა.

მოკლული მოზარდის ოჯახს სამძიმარი ხელისუფლების და ოპოზიციის წარმომადგენლებმა გამოუცხადეს.

შეგახსენებთ, რომ 8-წლის ნანიკო ბერიაშვილი 25 ოქტომბერს გაუჩინარდა იგი ცეკვის წრეზე წავიდა, თუმცა იქ არ მისულა. მისი ძებნა ახლობლებმა 17 საათზე დაიწყეს. პოლიციამ საღამოს 10 საათისთვის გარდაცვლილი მდინარე ლიახვის სანაპიროზე იპოვა. გამოძიების ვერიით, ბავშვი 33 წლის მამაკაცმა მოკლა. ის უკვე დაკავებულია.