"დაცვის პოლიციის თანდასწრებით მცემეს" - სლოტ კლუბ "ვეგასში" მამაკაცს მოგებული თანხის მოთხოვნის შემდეგ, სასტიკად გაუსწორდნენ

შემთხვევა - 20:05, 24 Oct, 2018

8773

ახალგაზრდა მამაკაცი სლოტ კლუბ "ვეგასის" დაცვის თანამშრომლებს ფიზიკურ ანგარიშსწორებაში ადანაშაულებს. ვახტანგ ალიბეგაშვილი ირწმუნება, რომ მან სოლიდური თანხა მოიგო, თუმცა თანხის მიღების სანაცვლოდ მას დაწესებულების 10-მდე თანამშრომელი სასტიკად გაუსწორდა.

"თავი ჩამაღუნინეს, ყველა თანამშრომელი მცემდა. დაცვის პოლიციის თანდასწრებით მცემეს, მათ კი ხმა არ გაუღიათ"- აცხადებს ახალგაზრდა.

ალიბეგაშვილი ამბობს, რომ ინცინდენტის შემდეგ, მას ქირურგიული ოპერაცია დასჭირდა.

"ნიუპოსტი" შინაგან სამეთა სამინისტროს დაუკავშირდა, სადაც აღნიშნეს, რომ 17 ოქტომბერს გლდანი-ნაძალადევის პოლიციის სამმართველოში დაიწყო გამოძიება თბილისში, გლდანში მდებარე ერთ-ერთი სლოტკლუბში მოქალაქის ცემის ფაქტზე.

უწყების ცნობით, გამოძიება სისხლის სამართლის კოდექსის 126–ე მუხლით მიმდინარეობს.

"გამოძიების ფარგლებში ჩატარდა მოწმეთა გამოკითხვები. მოქალაქე ვ.ა. პოლიციაში გამოცხადდა დანაშაულიდან მე-4 დღეს, ჩვენების მიცემამდე მოითხოვა ადვოკატის ჩართვა. პოლიცია ამ დრომდე ელოდება, მისი როგორც საქმის მთავარი ფიგურანტის ჩვენებას. დანიშნულია შესაბამისი ექსპერტიზები. სასამართლო განჩინების საფუძველზე მიმდინარეობს მტკიცებულებების შეგროვება, მათ შორის ვიდეო სამეთვალყურეო ჩანაწერების"- აცხადებენ საქართველოს შინაგან სამეთა სამინისტროში.