ზამთრის სეზონის მოახლოებასთან ერთად, ჩერნოვეცკის ფონდი და მაღაზიათა ქსელი Polaris Georgia ატარებს მორიგ საქველმოქმედო აქციას! „გლდანი მოლის“ ფილიალში დაიდგმება ფონდის საქველმოქმედო ყუთი, რათა თითოეულ მომხმარებელს შეეძლოს გაიღოს სოციალურად დაუცველი მოქალაქეებისთვის მეორადი ტანსაცმელი, რომელიც მათ თავად არ სჭირდებათ, ხოლო უამრავ შეჭირვებულ ადამიანს ძალიან გაახარებს.

აღსანიშნავია, რომ თითოეული მომხმარებელი, რომელიც დაეხმარება ჩერნოვეცკის ფონდის ბენეფიციარებს, მიიღებს 20%–იან ფასდაკლებას ახალ კოლექციაზე.

მიმდინარე წელს, ჩერნოვეცკის ფონდმა და ფეხსაცმლის მაღაზიათა ქსელმა „პოლარისი“ უკვე გამართა ერთობლივი საქველმოქმედო აქცია გამართეს. კერძოდ, ამ სავაჭრო ქსელის 5 მაღაზიაში თბილისსა და ბათუმში დაიდგა სპეციალური კონტეინერები, რომელშიც მომხმარებლები ფონდის ბენეფიციართათვის აწყობდნენ ტანსაცმელს და ფეხსაცმელს. აქციამ დიდი რეზონანსი გამოიწვია. ასობით ადამიანმა შესწირა ჩერნოვეცკის ფონდს არამარტო მეორადი, არამედ სრულიად ახალი ტანსაცმელიც!