გადაცემა „რეაქციას“ წამყვანი ჟურნალისტი ინგა გრიგოლია ბიძინა ივანიშვილთან ინტერვიუზე უარს აცხადებს, მისი თქმით, აღნიშნულს ვერ შეძლებს, რადგან ხვალ მას გადაცემა აქვს და ფორმატს ვერ შეცვლის.

"ძალიან ბევრი საინტერესო შეკითხვაა, რომელზეც მაინტერესებს ბიძინა ივანიშვილის პასუხი, მაგრამ მაქვს გადაცემა, ისე მოხდა, რომ ხვალ, რვა საათზე მეწყება რეაქცია და როცა უნდა დაიწყოს ბიძინა ივანიშვილის ინტერვიუ, ათ საათზე, მე მაგ დროს უნდა ვთქვა "ნახვამდის. მე მაქვს ჩემი ვალდებულება გადაცემის გაყვანის ეთერში მაქვს ჩემი სარეკლამო ვალდებულებები და გამორიცხულია, რომ დაგეგმილი ინტერვიუს გამო ისე გავაკეთო, რომ ეთერი ჩავაგდო,“ - ამბობს ინგა გრიგოლია.