„ქართული ოცნების“ თავმჯდომარე ბიძინა ივანიშვილმა მასთან ინტერვიუს ჩასაწერად სამი ჟურნალისტი მიიწვია, გიორგი გაბუნია რუსთავი 2-დან, ინგა გრიგოლია ტვ პირველიდან და ირაკლი ჩიხლაძე „იმედიდან“.

აღნიშნულ ფაქტს სოციალურ ქსელში გამოეხმაურა ჟურნალიტი ინგა გრიგოლია. ჟურნალისტის თქმით, მას სამშაბათს გადაცემის ჩაწერა აქვს და ამის გამო, ივანიშვილთან ინტერვიუზე წასვლას ვერ მოახერხებს. დღის ბოლომდე გაასაჯაროვებს საკუთარ პოზიციას რუსთავი2-იც:

„ბოდიში ბატონ ივანიშვილთან, ოღონდ მოწვევა მისი საქმეა და არხი ვის მიავლენს ინტერვიუზე - ჩვენი. ვინ ასწავლა ჟურნალისტების სახელდებით მიწვევა, სად ამოიკითხა ეს სიბრძნე?

რ2 საკუთარ პოზიციას დღის ბოლომდე გაასაჯაროვებს.“- წერს ნიკა გვარამია ფეისბუკზე.