"ჩვენ უნდა ვუთხრათ არა სიძულვილს, რომელიც შეძლო ამ მავნებელმა მთავრობამ, რომელიც ბიძინა ივანიშვილმა მოგვიყვანა და დაგვასვა თავზე"- ბურჭულაძე

პოლიტიკა - 16:04, 20 Oct, 2018

998

გაერთიანებული ოპოზიცია- „ძალა ერთობაშიას“ საპრეზიდენტო კანდიდატი გრიგოლ ვაშაძე ზუგდიდში მხარდამჭერებს ხვდება. შეკრებილ მოსახლეობას ფონდ იავნანას დამფუძნებელმა, მსოფლიო ბანმა, პაატა ბურჭულაძემ მიმართა და საქართველოს მოქალაქეებს მოუწოდა მხარი დაუჭირონ ცვლილებებს და უკეთეს მომავალს. ბურჭულაძის თქმით ივანიშვილმა საქართველოს თავზე დაასვა მთავრობა, რომელიც ახორციელებს ადამიანების დევნას და ქვეყანას გაჭირვებაში აცხოვრებს:

„დღეს მე აქ მოვედი, როგორც რიგითი მოქალაქე, აქ მომიყვანა დიდმა წუხილმა. ჩვენ უნდა ვუთხრათ არა სიძულვილს, ადამიანის შეურაცხყოფას, დევნას, რომელიც შეძლო ამ მავნებელმა მთავრობამ, რომელიც ბიძინა ივანიშვილმა მოგვიყვანა და დაგვასვა თავზე.მათ შეძლეს ჩვენი გაყოფა, ხალხო, შეძლეს, რომ ასეთ შეურაცხყოფს ვაყენებთ ერთმანეთს, ეს მათ აწყობთ. ბიძინა ივანიშვილს აქვს გენიალური ძალინ დიდი უნარი მოიყვანოს უნიჭო და უპატივცემულო ადამიანები ქვეყნის სათავეში, რომ მას დაემორჩილონ. დღეს პროკურატურა პროკურატურა არ არის, სასამართლო სასამართლო არ არის, ის წყვეტს ყველაფერს. ჩვენ ამას ავიტანთ? გუშინ გადავეცი პრემიერს ჩვენი ყველას სია, 400 ოჯახის და სტუდენტების, რომლითაც სწავლის დაფინანსება უნდათ, როცა ვიძახი ფონდ იავნანას, ჩვენ ვართ ყველანი, ჩვენ უკვე დავუფინანსეთ პირველი სემესტრი, მეორე სემესტრს მთავრობა უნდა დაუფინანსებს, გარიცხავენ, ვნახოთ, უნდა შევამოწმოთ, როგორ მიხედავენ ამ ხალხს. ჩვენ ამას ქველმოქმედებით ვაკეთებდით, ეს მათი ვალდებულებაა,“ - განაცხადა ბურჭულაძემ.

პაატა ბურჭულაძემ ქართული ოცნების მიერ მხარდაჭერილი პრეზიდენტობის კანდიდატზეც ისაუბრა.

„ეს ქალბატონი თვითონ ვერ ხვდება, რატომ უნდა მისცენ ხმა. ბიძინა ივანიშვილს უნდა, რომ ჩვენ საბჭოთა ეპოქაში ჩაგვიყვანოს.“ - აღნიშნა პაატა ბურჭულაძემ.