ევრაზიული კავშირის ბიზნესფორუმი თბილისში - რუსი ბიზნესმენები ამბობენ, რომ ღონისძიების ქართველი მასპინძელი დამსაქმებელთა ასოციაციაა

პოლიტიკა - 17:34, 19 Oct, 2018

1134

თბილისში მიმდინარე ევრაზიული კავშირის ბიზნესფორუმის მონაწილეეების ინფორმაციით, ფორუმის ქართველი მასპინძელი დამსაქმებელთა ასოციაციაა.

„მოსკოვიდან ჩამოვედი, რომ ფორუმზე ჩემი კომპანიის ნაწარმი წარმოვადგინო, პოლიტიკისგან ძალიან შორს ვარ. აქ მხოლოდ ბიზნესზე ვსაუბრობთ. როგორც ვიცი, ამ ღონისძიების ქართველი მასპინძელი დამსაქმებელთა ასოციაციაა,“ - განაცხადა ალია კარიმსაკოვამ.

რუსი ბიზნესმენები განმარტავენ, რომ ამ ფორუმს პოლიტიკასთან კავშირი არ აქვს და ის მხოლოდ ბიზნეს საკითხებს მოიცავს. ისინი არ გამორიცხავენ, რომ საქართველოში ქართულ-რუსული კომპანიები დაფუძნდეს, რომლის დამზადებული პროდუქტი ევროპაშიც გავა.

აღსანიშნავია, რომ საქართველო ევრაზიული ეკონომიკური კავშირის წევრი არ არის და უცნობია, რატომ ტარდება თბილისში ღონისძიება.

ფორუმის ერთ-ერთი მონაწილე ამბობს, რომ რუს ტურისტებს საქართველოში ძალიან თბილად მასპინძლობენ, იგივე უნდა ხდებოდეს ბიზნესთან მიმართებაშიც.

„ ჩვენი კომპანიისთვის საქართველო წარმოადგენს ფანჯარას ევროპულ ბაზარზე გასასვლელად. ქართული ბაზარიც საინტერესოა, მაგრამ ის მასშტაბებით ძალიან მცირეა, ამიტომ გვინდა, რომ საქართველოს გავლით მოვხვდეთ ევროპულ ბაზარზე,“ - განაცხადა მცირე და საშუალო ექსპორტიორები ასოციაციის დირექტორმა, იური შურიგინმა.

ფორუმის ორგანიზატორი, იური შურიგინი ამბობს, რომ ფორუმის მიზანი ბიზნეს გარემოს გაცნობაა.

„ჩვენ პოლიტიკისგან შორს ვართ. მაგალითისთვის, რუს ტურისტებს საქართველოში ძალიან თბილად მასპინძლობენ, იგივე უნდა ხდებოდეს ბიზნესთან მიმართებაში. ქართული ღვინო იყიდება რუსეთშიც, საქართველოშიც იყიდება რუსული პროდუქცია, სულ ეს არის. პოლიტიკაზე კომენტარს არ გავაკეთებ,“ - განაცხადა ფორუმის ორგანიზატორმა, კარენ ივანოვმა.

ფორუმის პარალელურად, იმ სასტუმროში სადაც დელეგაციაა დაბინავებული იმყოფებიან მოძრაობა „რუსეთი ოკუპანტია"-ს წევრები. ისინი თბილისში რუსეთის ბიზნესწრეების წარმომადგენელთა ვიზიტს აპროტესტებენ.