„მამები სიმართლის დაცვისათვის", "ნუ გვაბოლებ" - შვილმოკლული მამების აქცია პროკურატურასთან

პოლიტიკა - 15:22, 19 Oct, 2018

1526

„მამები სიმართლის დაცვისათვის", "ნუ გვაბოლებ" - მთავარ პროკურატურასთან აქცია მიმდნარეობს.

როგორც ხორავას ქუჩაზე მოკლული დავით სარალიძის მამამ, ზაზა სარალიძემ განაცხადა, მატი მიზანია მთავარ პროკურორს შალვა თადუმაძეს თავი შეახსენონ.

„რომ გვაბოლებენ ესენი, ხან ის მოიფიქრეს, ხან ის, ახლა ის თქვეს, რომ მირზა სუბელიანმა თავის მოკვლა სცადააო, კაი რა, ვის ჯერა, ნეტა, ჯერ დაბეგვეს, მერე თავის მოკვლა სცადა? თუ თავის ჩამოხრჩობა სცადა, ფეხებზე, ხელებზე რატომ ჰქონდა სიწითლეები. ამით ცდილობენ, რომ ჩემი შვილის თემა გადაფარონ და მალხაზ მაჩალიკაშვილის თემა გადაფარონ და გადაფარონ. როცა დაინიშნა ბატონი თადუმაძე, როცა შევხვდი, თქვა, რომ კაცურ სიტყვას გაძლევ, პირად კონტროლზე ავიყვან ამ საქმეს, ერთ-ორ კვირში შეგეხმიანებიო, დავჯდეთ და ვილაპარაკოთო, მას მერე რამდენი ხანი გავიდა. ესენი მართლა ჩინური პატენტები არიან, ესენი ადამიანები არ არიან,“- განაცხადა მოკლული მოზარდის, დავით სარალიძის მამამ, ზაზა სარალიძემ.

მოკლული თემირლან მაჩალიკაშვილის მამა, მალხაზ მაჩალიკაშვილი ხელისუფლებას უნდობლობას უცხადებს.

„მთელ ქვეყანას აბოლებს პროკურატურა, ხელისუფლება თუ ძალოვანი სტრუქტურები, არის კრიმინალთა ხროვა შექუჩებული მაღლა და ჩადიან დანაშაულს, რომელიც დაუშვებელია. დღეს აქართველოს არც მთავრობა და არც ხელისუფლებას,“- აღნიშნა მაჩალიკაშვილმა.