სასტუმრო old Tbilisi-თან სადაც “ევრაზიული კავშირის ბიზნესფორუმი” მიმდინარეობს, "ქართული ოცნების" წევრი ზვიად კვაჭანტირაძე გამოჩნდა. როგორც მან ჟურნალისტებს განუცხადა, ის ფორუმზე დასაწრებად არ მისულა და აღნიშნულ სასტუმროსთან სრულიად შემთხვევით მოხვდა.

"არ ვაპირებ ფორუმზე შესვლას. აქ არის ჩემი ბიძაშვილი, რომელიც თავის მეგობარს უნდა შეხვდეს. დაემთხვა ჩემი მოსვლა ამ ფორუმს. ორ შვილს გეფიცები, საერთოდ არ ვიცი, რა ფორუმია. „ევრაზიულ კავშირთან“ საქართველოს არანარი კავშირი არ აქვს და ვფიქრობ, რომ არც ერთი ქართველი ბიზნესმენი არ უნდა იღებდეს მონაწილეობას. საერთოდ, ასეთ ღონისძიებებს კარი არ უნდა გავუღოთ", - განაცხადა კაჭვანტირაძემ.