"აქამდე ამით არ „მიმარიაჟია“, მაგრამ ახლა გამოსავალს არ მიტოვებენ!..."

"აქამდე ამით არ „მიმარიაჟია“, მაგრამ ახლა გამოსავალს არ მიტოვებენ!..." - სტეფანე მღებრიშვილი

სოც.მედია - 14:59, 17 Oct, 2018

7471

სოციალურ ქსელში მომღერალი სტეფანე მღებრიშვილმა საზოგადოებას და კოლეგებს განუმარტა, რომ მოსკოვში კონცერტზე გამგზავრებას არ აპირებს.

„არ გეგონოთ პათეტიკური და ქულების დამწერი პოსტი. უბრალოდ, უკვე მეათედ გადაამოწმეს და მინდა დავწერო.

რაღაც კონცერტი ტარდება მოსკოვში, სადაც სხვა ქართველი მომღერლები გამოდიან და მათ შორის მეც მივიღე შემოთავაზება. იგივე კონცერტიდან სამი სხვადასხვა ადამიანი დამიკავშირდა, სხვადასხვა ბიუჯეტით, რაზეც გასაგები მიზეზების გამო უარი მიიღეს! მას შემდეგ უკვე მერამდენედ უკავშირდებიან ჩემს კოლეგებს და ჩემს სახელს უხსენებენ მოსკოვში წამსვლელთა სიაში! არასდროს არ თქვა არასდროს, მაგრამ მოსკოვში ნამდვილად არ მივდივარ სამღერად! ეგ კი არა და, ჩემმა მეგობრბმა იციან, სოლო კონცერტს ხან სად მთავაზობენ და ძალიან სერიოზული ხალხი და ხან სად (რუსეთში). აქამდე არ მიმარიაჟია ამით, რომ უარს ვამბობ გამუდმებით. მაგრამ ახლა გამოსავალი არ დამიტოვეს. ძვირფასო „კოლეგებო“, მე მაგ კონცერტში არ ვიქნები, არავითარ შემთხვევაში. წარმატებებს გისურვებთ!“ - წერს მომღერალი.