"თუ ტელევიზორს გამოვრთავთ, მივხვდებით რომ არც ისე ცუდად არის საქმე... "

"თუ ტელევიზორს გამოვრთავთ, მივხვდებით რომ არც ისე ცუდად არის საქმე... " - ნიკუშა შენგელაიას მეუღლე

საზოგადოება - 10:24, 17 Oct, 2018

17406

მხატვარ ნიკუშა შენგელაიას მეუღლე ეკა ჭიჭინაძე, რომელიც ბიძინა ივანიშვილის ოჯახთან განსაკუთრებულად მეგობრობს „კვირის პალიტრასთან“ ქვეყანაში განვითარებულნ მოვლენებზე საუბრობს:

მართალი გითხრათ, ბიძინა ივანიშვილს ფარულ ჩანაწერებზე საუბარს არც ვაკადრებ! ეს ყველაფერი. ჩვეულებრივი "ნაცური" მეთოდებია და ასეთი ჩანაწერებით და ბოდვებით ბევრი წელია თავს იგიჟებენ! აბა, ჩვენ არ გვჯერა ამ დადგმული სპექტაკლების და თვითონ ერთმანეთში განიხილონ გაკვირვებული სახეებით... არ არსებობს ადამიანი, რომ ამ ტუტუცური ჩანაწერების შემდეგ, წავიდეს და გრიგოლ ვაშაძეს მისცეს ხმა! ეს ხომ სასაცილოა?! ასე, რომ სულ ტყუილად ირჯებიან! ვფიქრობ, ისე დაღალეს და დაზაფრეს ხალხი, რომ ვინც არ აპირებდა არჩევნებზე წასვლას და ინდეფერენტულად იყო განწყობილი ან ოცნებით უკმაყოფილო, ყველას ერთი სული აქვთ ხმა მისცენ სალომეს და დამთავრდეს ეს კოშმარი! მე, მგონი, ესენი სალომეს პიარით არიან დაკავებულები... არ ვიკადრებ ვინმე ცუდად და უზრდელად მოვიხსენიო, რადგან ვითვალისწინებ, რომ ვიღაცას შვილი ყავს, დედა, მამა და ასე შემდეგ და და ამიტომ, ვფიქრობ, მორალური უპირატესობა არის ჩვენსკენ. ვიცი, რომ ყველაფერი მიდის ისე, როგორც საჭიროა. ხომ გაგიგიათ, კატამ თხარა თხარაო... ვშიშობ, "ნაციონალები" დიდ კატას გამოთხრიან... ერთსაც დავამატებდი, ეს პატარა კაცუნები ბიძინას მასშტაბებს ვერ ათვითცნობიერებენ... დღესაც ვესაუბრე ეკას. რაც შეეხება ქვეყნის ამბებს, ოპტიმისტურად არიან განწყობილნი ისიც და ბატონი ბიძინაც. თუ ტელევიზორს გამოვრთავთ, მივხვდებით რომ არც ისე ცუდად არის საქმე. ისე ჩვენი მოპოვებული დემოკრატიით და სიტყვის თავისუფლებით ძალიან სარგებლობენ "ნაცები"! აბა, ამდენს ვინ გაბედავდა მაგათი მმართველობისას!? მეთოდები გაუცვდათ, აგრესიის, ტყუილების და ძალადობის მეტი არაფერი არ იციან...“- აცხადებს ეკა ჭიჭინაძე.