რა გამონაკლისებს უშვებენ ტრანსგენდერთა სილამაზის კონკურსის ორგანიზატორები კესარიას გამო

საზოგადოება - 13:16, 12 Oct, 2018

12097

როგორც ცნობილია კესარია აბრამიძე სილამაზის კონკურსში, Miss Trans Star International-ში, მიიღებს მონაწილეობას, რომელიც ბარსელონაში ოქტომბერში გაიმართება. კესარიას ფოტო კონკურსის „ფეისბუქ-გვერდზე“ გამოქვეყნდა და მან მოწონებითა და კომენტარებით ყველანაირი რეკორდი მოხსნა. იმის შესახებ, თუ რა გამონაკლისებს უშვებენ ტრანსგენდერთა საერთაშორისო სილამაზის კონკურსის ორგანიზატორები კესარია აბრამიძის გამო, ამის შესახებ კესარია ჟურნალ „თბილისელებთან“ საუბრობს

– როგორია კონკურსის ორგანიზატორების მოლოდინი შენ მიმართ?

– ასეთი აქტიურობა, მე რომ მათ მიმართ ვიჩენ, სხვა კონკურსანტებს არ აქვთ. 24 საათი ვწერ, ტვინს ვუჭამ. ორგანიზატორებიც ზედმეტ ყურადღებას მითმობენ. ქართველები, ხომ იცი, როგორები ვართ, თან ცნობილი და წარმატებული, ჩემ მიმართ განსაკუთრებული ყურადღება უნდა გამოიჩინონ და ასეც არის. 3-წუთიანი ვიდეოც სჭირდებათ, სადაც ჩემს ქვეყანაზე უნდა ვისაუბრო. მაგრამ უპასუხისმგებლოდ მოვიქეცი, ჯერ არ გამიგზავნია. ფოტოებიც დავაგვიანე. მე ყველაფერს მპატიობენ, ჩემ მიმართ გამონაკლისს უშვებენ – კონტრაქტიდან ამოვარდნილად ვაკეთებ ყველაფერს, კონტრაქსაც გვიან მოვაწერე ხელი.

– რას ითხოვენ კონტრაქტით?

– ალკოჰოლი არ უნდა დალიო, სიგარეტი არ უნდა მოწიო, არ უნდა იხმაურო, ადრე დაიძინო, თორემ გამოგაგდებენ. სხვა გზა არ არის, უნდა გავძლო ერთი კვირა. ჩემი პროდიუსერიც მომყვება, რომელიც ჩემზე იზრუნებს. ჩემთვის ის ყველაფერია, ჩემი იმიჯმეიკერი. ეს არ შეიძლება, მაგრამ მე დამრთეს ნება. ბექსთეიჯშიც მეყოლება.

წყარო "თბილისელები"