რუსეთის ფედერაციის მორიგი პროვოკაციული ნაბიჯი - ახალგაზრდა დიპლომატთა ფორუმი რუსეთის საგარეო საქმეთა სამინისტროს მიერ შექმნილი გორჩაკოვის ფონდის დაფინანსებით ტარდება. რუსეთის ფედერაციის სახელისუფლებო ფონდის ელექტრონულ მისამართზე ფორუმის მიზნად, რუსი და ქართველი ახალგაზრდების ურთიერთობისთვის საერთო სივრცის შექმნა სახელდება.

დიპლომატთა ფორუმს დიდუბე პლაზა ორი დღის განმავლობაში უმასპინძლებს. დიდუბე პლაზასთან და სხვადასხვა ადგილებზე სამოქალაქო აქტივისტებმა აქციები და საპროტესტო გამოსვლები უკვე დაგეგმეს.

სამოქალაქო აქტივისტების განცხადებით, ისინი ყველაფერს გააკეთებენ, რათა საქართველოს მტრებს ქვეყნისთვის საზიანო თმების განხილვის უფლება არ მისცენ.

„ენით აღუწერელი სითავხედეა, რომ თბილისში აპირებენ ამ ფორუმის გაკეთებას. ჩამოდის საკმაოდ დიდი დელეგაცია მტერი ქვეყნიდან აუცილებლად დავხდებით, ჯერ აეროპორტში, სასტუმროსთან დავხვდებით, ზუსტად ვიცით სად არიან.

ყოველგვარი აგრესიისა და პროვოკაციის გარეშე და შევეცდებით, რომ მათ ეს ფორუმი არ ჩაატარონ“-ამბობს სამოქალაქო აქტივისტი გიგა მაქარაშვილი.