ცირკის გერმანელმა ჯამბაზებმა მთელი საქართველოს მასშტაბით გამართეს წარმოდგენები. ქობულეთში ყოფნის დროს, ისინი ეწვივნენ ჩერნოვეცკის ფონდის მცირე საოჯახო ტიპის სახლებს და მისი აღსაზრდელებიც გაახარეს. შეხვედრა სოციალური მომსახურების სააგენტოს ქობულეთის რაიონული განყოფილების ინიციატივით მოეწყო და მან წარუშლელი შთაბეჭდილება მოახდინა მოზარდებზე. ფერად ტანსაცმელში გამოწყობილ მსახიობებთან ერთად ბავშვებმა ბევრი იხალისეს და დრო მხიარულ გარემოში გაატარეს.

,,კლოუნები საზღვრების გარეშე" - ეს არის ხელოვანთა ინიციატივა და იდეა, იუმორითა და სიცილით უკეთესობისკენ შეცვალოს ბავშვების ემოციური მდგომარეობა. „მოხარული ვართ, რომ ჩვენს აღსაზრდელებსაც მიეცათ შესაძლებლობა ეზიარონ ცირკის ამ შესანიშნავ ჟანრს“, - განაცხადა ფონდის დირექტორმა ელენე პოლიშუკმა.