სოფელ იორმუღანლოში დახოცილი ცხვარი - საძოვრებზე კრიმინალისტები მუშაობენ. მოსახლეობა უცხოელ ინვესტორებს ადანაშაულებს და აცხადებს, რომ ცხვარი მოწამლულია.

ადგილობრივების განცხადებით,დ აპირისპირება ინვესტორებთან რამდენიმე თვის წინ დაიწყო, მას შემდეგ, რაც ტერიტორია გაიყიდა, ახალმა მფლობელებმა კი ადგილობრივებს საძოვრები ჩაუკეტეს.

მეცხვარეების ინფორმაციით ამ დროისთის 50 ცხვარი არის მკვდარი, 150-მდე სული კი არის მოწამლული. მეცხვარეების განცხადებით, ასეთი სურათი დილით დახვდათ, მათი ინფორმაციით, იპოვეს სავარუდოდ თაგვის წამალი, რომელიც არის შერეული ხორბალში და ასეთივე წამალი იყო დაყრილი იმ ადგილას, სადაც ცხვარი წყალს სვამს.

„იორმუღანლოს გარშემო ირანელს შესყიდული აქვს, საკუთრებაში აქვს ნაკვეთი. ტრასა იყო ჩაკეტილი, ის ტრასა ჩვენ გავხსენით... ჩვენ ფაქტი გვაქვს, რომ წამალი გაშალეს,“- განაცხადა მაჰმად ქარიმოვმა.

სოფელ იორმუღანლოში საგამოძიებო მოქმედებები ამ დრომდე მიმდინარეობს. შემთხვევის ადგილზე ექსპერტ-კრიმინალისტები და სამართალდამცველები მუშაობენ.

ცხვრების მასობრივი დახოცვის ფაქტზე შინაგან საქმეთა სამინისტრომ გამოძიება სისხლის სამართლის კოდექსის 259-ე მუხლით დაიწყო, რაც ცხოველისადმი სასტიკ მოპყრობას გულისხმობს.