ცხრა გვერდიან ანგარიშში საუბარია, რომ 21 აგვისტოს თანამგზავრით გადაღებულ ფოტოზე ჩანს რაკეტა, რომლითაც ქიმიური თავდასხმა განხორციელდა, ასადის ძალების მიერ კონტროლირებადი ტერიტორიიდან გაუშვეს.

სირიის ხელისუფლების მხრიდან ქიმიური იარაღის გამოყენების ბრალდებას გერმანიის ფედერალური სადაზვერვო სამსახურიც ეთანხმება . 21 აგვისტოს დამასკოში ქიმიური იარაღი გამოიყენეს – ამის შესახებ "დოიჩე ველე" წერს.

უწყების ხელმძღვანელ გერჰარდ შინდლერის განცხადებით, ამის პირდაპირი მტკიცებულებები არ არსებობს, თუმცა მხოლოდ სირიის ხელისუფლება ფლობს ასეთ იარაღს.

ასადი უარყოფს შეტევის განხორციელებას. ფრანგული გამოცემისთვის მიცემულ ინტერვიუში ის ამბობს, რომ ყველა ქვეყანა, რომელიც სირიის წინააღმდეგ სამხედრო ოპერაციის ჩატარებას ემხრობა, ქვეყნის მტერია.