რუსთავში, ფალიაშვილის ქუჩაზე საპატრულო და კრიმინალური პოლიცია იყო მობილიზებული.

"ინფო რუსთავის" ინფორმაციით ადგილზე პატრული 20 წლის გოგონამ გამოიძახა, რომელიც აცხადებდა რომ მასზე 55 წლის მამამ იძალადა. გავრცელებული ინფორმაციით მამა-შვილს შორის საუბარი კამათში გადაიზარდა რა დროსაც მამამ შვილს ხელზე უკბინა. 20 წლის გოგონა პოლიციამ უკვე გამოკითხა.

შსს-ის ინფორმაციით, ფაქტზე გამოძიება 126 პრიმა მუხლის პირველი ნაწილით მიმდინარეობს რაც ოჯახში ძალადობას გულისხმობს. უწყების ცნობით, დაკავებულია მამა.