ხვალ, 9 ოქტომებერს 13:00 საათზე ამერიკული არასამთავრობო ორგანიზაციის წამომადგენლობა თბილისში შეხვედრას გამართავს.

"შეხვედრაზე იქნებიან 20-ზე მეტი ქართული არასამთავრობო ორგანიზაციის წარმომადგენლები ამერიკელ პარტნიორებთან, ლორეტა ჰერიტონთან და კრისტინა პუშაუსთან ერთად. ისინი განიხილავენ „დასავლური პლატფორმის“ სამოქალაქო საზოგადოების ინიციატივას.

გაერთიანება „დასავლური პლატფორმის“ მისიას წარმოადგენს:

• თავისუფალი, ღია, ინკლუზიური, სამართლიანი და მიუკერძოებელი საარჩევნო სისტემის არსებობა;

• ადამიანის უფლებების დაცვის ხელშეწყობა, კანონის უზენაესობის ფარგლებში;

• საქართველოს ტერიტორიის 20% -ის რუსული ოკუპაციის შესახებ საერთაშორისო ცნობიერების ამაღლება;

• მედიის თავისუფლება და რუსული პროპაგანდის წინააღმდეგობა;

• მდგრადი განვითარება, რომელიც სასარგებლო და ძალზედ მნიშვნელოვანია, როგორც ქვეყნის მოსახლეობისათვის, ასევე საქართველოს ბუნებრივი გარემოსათვის.

ქრისტინა პუშაუ, პოლიტიკური მიმომხილველი და „დასავლური პლატფორმის“ ინიაციატივის თანადამფუძნებელი, მიმოიხილავს აშშ-ს მიერ შესაძლო მხარდამჭერ ღონისძიებებს, საქართველოს სამოქალაქო სექტორში პროდასავლური განვითარების მეტი ეფექტურობისათვის.

ფორუმის დასასრულს გაფორმდება მემორანდუმის ხელმოწერა, რომელიც ოფიციალურად დაადასტურებს „დასავლური პლატფორმის“ ინიციატივის თანამშრომლობის ჩამოყალიბებას"- აცხადებენ გაერთიანების წარმომადგენლები.

მათივე ინფორმაციით, ხვალ დაგეგმილი შეხვედრის შემდგომ, შეხვედრის მონაწილეები საოკუპაციო ხაზთან ჩავლენ.

ღონისძიება საქართველოს უნივიერსიტეტში გაიმართება. მის: კოსტავას 77ა, მე-5 სართული, 519-ე აუდიტორია.