ქუჩები, სადაც "თბილისობაზე" მოძრაობა შეიზღუდება

ქუჩები, სადაც "თბილისობაზე" მოძრაობა შეიზღუდება - შს სამინისტროს განცხადება

საზოგადოება - 23:35, 04 Oct, 2018

2820

შინაგან საქმეთა სამინისტროს ”თბილისობის” დღესასწაულზე ავტომანქანების გადაადგილების შეზღუდვის შესახებ განცხადებას ავრცელებს"

"შინაგან საქმეთა სამინისტროს საპატრულო პოლიციის დეპარტამენტი გაცნობებთ, რომ "თბილისობის" დღესასწაულზე დაგეგმილ ღონისძიებებთან დაკავშირებით, 5 ოქტომბერს ავტოტრანსპორტის მოძრაობა აიკრძალება:

დილის 05:00 საათიდან, ევროპის მოედანსა და მეტეხის ხიდზე, ასევე, აბანოთუბნიდან გორგასლის მოედნის მიმართულებით. მოძრაობა შესაძლებელი იქნება თუმანიანის ქუჩიდან კოტე აფხაზის ქუჩის გავლით.

21:00 საათიდან კი - რესპუბლიკის მოედანზე.

რუსთაველის გამზირზე ავტომანქანების ნაკადი იმოძრავებს მეცნიერებათა აკადემიის მიმართულებით, ელბაქიძისა და კოსტავას ქუჩების გავლით.

მოძრაობა შეიზღუდება ახვლედიანის მოედანსა და მის მიმდებარე ტერიტორიაზე, ხოლო სრულად დაიკეტება ბარათაშვილის ხიდის მარცხენა პანდუსი.

საზოგადოებრივი ტრანსპორტი იმოძრავებს მისთვის განკუთვნილ ზოლში, კერძოდ, ახვლედიანის აღმართიდან ბარათაშვილის ხიდისა და წმ. ნიკოლოზის ეკლესიის მიმართულებით.

სატრანსპორტო მოძრაობა "თბილისობის" დღესასწაულის დასრულებისთანავე სრულად აღდგება." - ნათქვამია უწყების განცხადებაში.