აქცია ბათუმში, რომელსაც დილიდან სატვირთო ავტომანქანების მძღოლები მართავენ, ისინი სახმელეთო ტრანსპორტის სააგენტოს არაკომპეტენტურობაში ადანაშაულებენ.აქციის მონაწილეების განცხადებით, თურქ მძღოლებს ანალოგიური პრობლემა არ აქვთ და საჭირო ნებართვებს შეუზღუდავად იღებენ.

„თვეების განმავლობაში მანქანები დგას უმუშევარი. პირადად, მე მაქვს 1700 დოლარი გადასახდელი ყოველთვიურად და მანქანა გაჩერებულია და ვერ მუშაობს. ანალოგიური პრობლემით არის ყველა წარმოდგენილი აქ. ყოველ დღეს, ფაქტობრივად, არის იგივე სიტუაცია. აქ არის სახმელეთო ტრანსპორტის სააგენტოს ფილიალი, რომელიც ფუნქციონირებს, მაგრამ რას აკეთებენ, მგონი, თვითონაც არ იციან,“ - აცხადებს აქციის მონაწილე.