პაპმა ფრანცისკემ, წმინდა პეტრეს მოედანზე შეკრებილ ათასობით მორწმუნეს მიმართა და სირიაში ქიმიური იარაღის გამოყენებაც დაგმო. კათოლიკური ეკლესიის მეთაურმა, სამხედრო ინტერვენციის წინააღმდეგაც გააკეთა მინიშნება.

,,7 სექტემბერს ერთად შევთხოვოთ ღმერთს უდიდესი საჩუქარი - მშვიდობა მოუტანოს სირიელ ხალხს და კონფლიქტში ჩართულ ყველა რეგიონს მთელ მსოფლიოში. კაცობრიობას სჭირდება გაიგონოს იმედის სიტყვები მშვიდობის შესახებ. ძალიან მტკივა გული იმის გამო, რაც სირიაში ხდება და მოვლენათა შესაძლო განვითარებით ვიტანჯები. იფიქრეთ რამდენმა ბავშვმა შეიძლება ვეღარ დაინახოს სინათელ მომავალში, ვგმობ ქიმიური იარაღის გამოყენებას უდანაშაულო ადამიანთა წინააღმდეგ. ძალის გამოყენება ვერასოდეს მოიტანს მშვიდობას, ომი ომია, ძალადობა კი - ძალადობა", - მიმართა მორწმუნეებს რომის პაპმა.