კანონმდებლბისაგან შეერთებული შტატების პრეზიდენტი დამასკოს წინააღმდეგ საბრძოლო მოქმედებების დაწყების ოფიციალურ სანქციას ითხოვს, თუმცა ვაშინგტონი იერიშს სირიაზე კონგრესის მხარდაჭერის გარეშეც მიიტანს.

საკუთარი გადაწყვეტილება ბარაკ ობამამ თეთრ სახლში საგანგებოდ გამართულ ბრიფინგზე გაახმოვანა. ოპეარციის დაწყების კონკრეტული თარიღი აშშ-ს ლიდერა არ დაუსახელებია, თუმცა გავრცელებული ცნობით რეზოლუციას კონგრესი 9 სექტემბრამდე კენჭს არ უყრის, სწორედ ამ დღეს განაახლებს საკანონმდებლო ორგამო მუშაობას ზაფხულის შვებულებების შემდეგ.

,,გადავწყვიტე, რომ შეერთებულმა შტატებმა სირიის რეჟიმის წინააღმდეგ სამხედრო ქმედებები განახორციელოს, ეს არ იქნება ღია ინტერვენცია, ქვეყანაში არც სახმელეთო ჯარს შევიყვანთ. ჩვენი მოქმედება დროის თავლსაზრისითაც და მასშტაბითაც შეზღუდული იქნება. ასადის რეჟიმმა ქიმიური იარაღის გამოყენებისათვის პასუხი უნდა აგოს და ამაზე თვალს ვერ დავხუჭავთ. ჩენ მზად ვართ, იერიში ნებისმიერ დროს მივიტანოთ, რომელსაც ავირჩევთ, იქნება ეს ხვალ მომდევნო კვირაში, თუ ერთი თვის შემდეგ, მე მზად ვარ ამ ბრძანების გასაცემად", განაცხადა შეერთებული შტატების პრეზიდენტმა ბარაკ ობამამ.