ზესტაფონის მერს კვირაზე მეტია კაბინეტში შესვლის უფლებას არ აძლევენ. ათამდე მოშიმშილეს ზესტაფონის მერიის შენობაში ბლოკირებული აქვს მერის კაბინეტი, ისინი კახაბერ მახათაძის თანამდებობიდან გადადგომას მოითხოვენ. მოშიმშილეები მახათაძეს კორუფციაში ადანაშაულებენ.

მერიის წარმომადგენლები კა აცხადებენ, რომ აქციის მონაწილეების უმრავლესობას ის ადამიანები შეადგენენ, რომელბსაც ახალი წლიდან კონტრაქტები არ გაუგრძელდათ და რომელთა უკანაც კონკრეტული ადამიანები დგანან:

"არის ვიღაც, ვისაც არ აწყობს ზესტაფონში დალაგებული სიტუაცია. ეს ადამიანები თავიდანვე კახას მოსვლის წინააღმდეგი იყვნენ და ეს პროცესები თავიდან ბოლომდე არის მართული. ერთ კვირაზე მეტია პარალიზებულია მერიის მისაღები, ვერ ვსარგებლობთ მერის კაბინეტით, ვერ ვიყენებთ ბეჭედს, პროცესები სრულად გასცდა სამართლებრივ ჩარჩოებს. დღე და ღამე აქ არიან, ფაქტობრივად უმართავია სიტუაცია მერიის შენობაში. ჩვენ ვერიდებით სიტუაციის დაძაბვას, მაგრამ თუ ასე გაგრძელდა, უნდა დაგვიცვას ხელისუფლებამ და გამოიყენოს ყველა სამართლებრივი ბერკეტი", - ამბობს ეკა დუგლაძე.

ფოტო: "ქუთაისიპოსტი"