სოცქსელ Instagram-ის ხელმძღვანელობა აცხადებს, რომ არ აპირებს მომხმარებლის მიერ გამოქვეყნებული სურათის ან ვიდეოსთვის გაზიარების სერვისის დამატებას და აღნიშნულ ინფორმაციას ჭორი უწოდა.

სოცქსელის მესვეურების განცხადებით რეპოსტირება Instagram-ს საკუთარ სახეს დააკარგვინებდა და იგი "თავის უფროს ძმა" Facebook-ს დაემსგავსებოდა. ამასთან, მომხმარებლები აღარ ენდობოდნენ მას, რადგან შემთხვევით ადამიანს შესაძლებლობა ექნებოდა მათი ფოტო არასასურველი ადამიანების ნიუსფიდში გამოეჩინა.

"ჩვენ ადრე ვმსჯელობდით ამაზე... ჩვენი გადაწყვტილება ეფუძნება იმ გადაწყვეტილებას, რომ ჩვენი მომხმარებლის ნიუსფიდი კონცენტრირებული უნდა იყოს იმ ადამიანებზე, რომელიც მას ახლოს იცნობენ და არა ცნობისმოყვარეებზე," - აცხადებენ კომპანიაში.

უკანასკნელ პერიოდში Instagram-ის მომხმარებელთა რაოდენობა რეკორდულად იზრდება. მას ყოველთვიურად მილიარდი მომხმარებელი ჰყავს.