კინოთეატრმა „საქართველომ“ ფილმის „მონაზვნის წყევლა“ ქართულად გახმოვანება რელიგიური მოტივით დაბლოკა

საზოგადოება - 14:28, 20 Sep, 2018

2289

ქუთაისში მდებარე კინოთეატრმა „საქართველომ“ ფილმის „მონაზვნის წყევლა“ ქართულ ენაზე გაშვებაზე უარი რელიგიური მოტივით თქვა, აღნიშნულთან დაკავშირებით კონოთეატრის ადმინისტრაციამ ფეისბუკგვერდზე განცხადება გაავრცელა:

„ტექნიკური ხარვეზის გამო ფილმ "მონაზვნის წყევლასთან" დაკავშირებული პოსტი წაიშალა, ვაქვეყნებთ იგივე პოსტს:

"27 სექტემბრიდან ვგეგმავდით ფილმის "მონაზვნის წყევლა" ქართული დუბლიაჟის მომზადებას, მაგრამ ადმინისტრაციის გადაწყვეტილებით, ფილმს ქართულად არ გავახმოვანებთ.

ადმინისტრაციამ ნახა ფილმი და გადაწყვეტილება იქედან გამომდინარე მიიღო, რომ ფილმი აკნინებს და შეურაცხყოფს რელიგიას. ჩვენ პატივს ვცემთ მორწმუნეთა გრძნობებს და რწმენას, ფილმი წარმოდგენილი იქნება სეანსების მცირე რაოდენობით, რუსულ და ინგლისურ ენებზე."- ნათქვამია განცხადებაში. აღნიშნულ განცხადებას სოციალურ ქსელში უარყოფითი გამოხმაურება მოჰყვა.

ამერიკული საშინელებათა ფილმი, რომლის რეჟისორიც კორინ ჰარდია, ფილმ „წყევლა2“-ის სპინ-ოფს წარმოადგენს, მასში მოთხრობილია მღვდლისნ ისტორია რომელიც რუმინეთში ჩადის იმისთვის რომ მონაზვნების ამოუცნობი სიკვდილის საიდუმლო ამოხსნას. მონასტერში მცხოვრებ ადამიანებს შეტაკება ბოროტ ძალასთან უწევთ, რომელსაც მონაზვნის სახე აქვს მიღებული.