ლილოში ხორბლის გადამზიდავთა აქციის ერთ-ერთმა მონაწილემ პროტესტის ნიშნად თვითდაზიანებები მიიყენა და ვენები გადაიჭრა.

ამავე მამაკაცმა რამდენიმე ხნის წინ ბენზინიც გადაისხა, ის აცხადებს, რომ აღნიშნულ ქმედებებს მანამდე არ შეწყვეტს, სანამ ადგილზე ფინანსთა მინისტრი არ მივა.

ხორბლის გადამზიდავების აქცია რამდენიმე დღეა გრძელდება. მათი პროტესტი ახალმა რეგულაციებმა გამოიწვია, რომლის თანახმადაც ქვეყანაში ხორბლის სახმელეთო გზით ტრანსპორტირება იკრძალება.