ხორავას ქუჩაზე მოკლული დავით სარალიძის მამა ზაზა სარალიძე დღეს საქართველოს კათოლიკოს-პატრიარქს ილია მეორეს შეხვდა. შეხვედრის დასრულების შემდეგ, ცნობილი გახდა, რომ ზაზა სარალიძემ შიმშილობა შეწყვიტა.

სარალიძემ ჟურნალისტებთან საუბრისას აღნიშნა, რომ შიმშილობის შეწყვეტის მიუხედავად, აქციები პარლამენტის წინ კვლავ გაგრძელდება მანამდე, სანამ მისი მოთხოვნები არ დაკმაყოფილდება.

მოთხოვნებს შორის კვლავ უცვლელია ხელისფულების გადაყენება.

საქართველოს კათოლიკოს-პატრიარქსა და ზაზა სარალიძეს შორის პირისპირ შეხვედა საპატრიარქოში დაახლოებით ერთი საათის განმავლობაში მიმდინარეობდა.