მოცდის დროის შემცირების მიზნით, თბილისის მეტროს ოთხი ახალი შემადგენლობა დაემატება. ამის შესახებ განცხადება, დედაქალაქის მერმა კახა კალაძემ მთავრობის სხდომაზე გააკეთა. კალაძის განცხადებით, სწავლის დაწყებასთან ერთად მგზავრთა ნაკადი გაიზარდა, წორედ ამიტომ თბილისის მერიამ მიიღო გადაწყვეტილება მეტროს ორი შემადგენლობის დამატების შესახებ:

„მეტროში ვაპირებთ გარკვეული ცვლილებების შეტანას. ძალიან ბევრი მგზავრი გადაჰყავს მეტროს და დღეს პრობლემა იყო ის, რომ პიკის საათებში ადამიანებს უწევდათ ლოდინი, რაც სერიოზულ დისკომფორტს და პრობლემას წარმოადგენდა. შესაბამისად ჩვენ მივიღეთ გადაწყვეტილება სარეაბილიტაციო პროექტის ფარგლებში, რომელიც მიზნად ისახავს მეტროს ვაგონების მთლიანად განახლებას, მეტროს დაემატება სამი ოთხ ვაგონიანი ახალი შემადგენლობა, რომელიც იმოძრავებს მეტრო ახმეტელი- ვარკეთილის ხაზზე და ერთი სამ ვაგონიანი შემადგენლობა საბურთალოს ხაზზე. ეს ჩვენ მოგვცემს შესაძლებლობას, რომ პიკის საათებში, როდესაც ყველაზე მეტი მგზავრი გადაადგილდება, მოცდა შევამციროთ სამ წუთამდე,“-განაცხადა კახა კალაძემ.