სოფელ ხელთუბნის მაცხოვრებლებმა პროტესტის ნიშნად ცენტრალური ავტომაგისტრალი გადაკეტეს.

6 ივლისს, გორის მუნიციპალიტეტის სოფელ ხელთუბანში გაურკვეველ ვითარებაში გარდაცვლილი თორნიკე მერებაშვილის ოჯახის წევრები და ახლობლები აქციას მართავენ.

გარდაცვლილის ოჯახის წევრების მხარდასაჭერად გორში ზაზა სარალიძე და მალხაზ მაჩალიკაშვილი გაემგზავრნენ. ამის შესახებ სოციალურ ქსელში ელისო კილაძე წერს:

“ზაზა სარალიძე და მალხაზ მაჩალიკაშვილი გორში გაემგზავრნენ,კიდევ ერთი შვილმოკლული მამის მხარდასაჭერად !

აქციას ცენტრალურ ავტომაგისტრალზე მოკლული მოზარდის მშობლები და თანასოფლელები მართავენ.

გორში მივემგზავრები მეც .

შესაბამისად,15:00 დაგეგმილი ბრიფინგი გადაიდო!”, - წერს ელისო კილაძე.