21 წლის შოთიკო ვართუმაშვილი საწოლს არის მიჯაჭვული უგონო მდგომარეობაში. მას 80 წლის ბებია უვლის.

შოთიკოს დასახმარებლად ჩერნოვეცკის ფონდმა საქველმოქმედო აქცია გამოაცხადა, რომელმაც ძალიან დიდი რეზონანსი გამოიწვია. ბებიას და შვილიშვილს 400-დე ადამიანმა გაუწოდა დახმარების ხელი და 6 000 ლარზე მეტი შემოწირულობა გაიღო მათთვის.

ამასწინათ ფონდის თანამშრომლებმა მოინახულეს შოთიკო და შემოწირული თანხით ნაყიდი პროდუქცია მიუტანეს სახლში: ჰიგიენური საშუალებები, ასპირატორი, მედიკამენტები.

ეს არის დახმარების პირველი ეტაპი, რომელმაც 1700 ლარი შეადგინა და უახლოეს მომავალში გაგრძელდება შემოწირული თანხის ამოწურვამდე.

თამარ ვართუმაშვილი დიდ მადლობას მოახსენებს ყველას, ვინც გულთან ახლოს მიიტანა მისი შვილიშვილის გასაჭირი და დახმარების ხელი გაუწოდა მას. ქალბატონ თამარის თქმით, მას შემდეგ, რაც ჩერნოვეცკის ფონდმა გამოაცხადა საქველმოქმედო აქცია, მათთან სახლში იმყოფებოდა სოციალური მომსახურების სააგენტოს წარმომადგენელი და ფულადი დახმარების აღდგენას უახლოეს პერიოდში დაპირდა!

თუ გაქვთ სურვილი მომავალშიც დაეხმაროთ შოთიკო ვართუმაშვილს, შემოწირულობა შეგიძლიათ ჩარიცხოთ ფონდის ანგარიშზე GE15TB7194336080100003 ან

GE64BG0000000470458000

(დანიშნულება: შოთა ვართუმაშვილი) ან გადარიცხოთ პირდაპირ ფონდის საიტიდან https://chernovetskyifund.ge/ge/projects/339-vartumashvili/