რუსთაველის გამზირზე, პარლამენტის შენობასთან შვილმოკული მამები ზაზა სარალიძე და მლახაზ მაჩალიკაშვილი აქციას მართავენ და საზოგადოებას მათ გვერდით დადგომისკენ მოუწოდებენ. მათი მოთხოვნა ხელისუფლების გადადგომა, ვადამდელი საპარლამენტო არჩევნების დანიშვნა და მათი შვილების მკვლელების დასჯაა, სარალიძე და მაჩალიკაშვილი შიმშილობას იწყებენ:

„ჩვენი შვილის მკვლელები უნდა დაისაჯონ. უნდა დაისაჯონ ადამიანები, ვინც მე და ზაზა სარალიძე შავ დღეში ჩაგვაგდო. ასეთი დანაშაული არ უნდა გრძელდებოდეს. ეს საქმე ბოლომდე უნდა მივიყვანოთ. ქართველი ერის წინაშე თავს დავდებ, რომ არც თემირლანი და არც მე, როგორც დამაბრალეს ტერორისტები არ ვართ. ვარ საქართველოს შვილი, ქართველების ძმა და ბოლომდე ასე იქნება. კიდევ ერთხელ მოგიწოდებთ, გამოხვიდეთ გარეთ და დავშალოთ სისტემა”, – განაცხადა მაჩალიკაშვილმა.