თურქეთში, ზღვაში საქართველოს მოქალაქე დაიკარგა - ამის შესახებ ინფორმაციას ტრაპიზონში, საქართველოს გენერალური საკონსულო ავრცელებს.

საკონსულოს განცხადებით, თურქეთის დაბა ქემალფაშაში (10 კმ. სარფიდან), ტრაილერის მძღოლი საქართველოს მოქალაქე, დღეს, დაახლოებით 13:30 საათზე, ზღვაში ჩავიდა და იქ მყოფი მძღოლების განცხადებით, დაიკარგა.
ინფორმაციის მიღებისთანავე, ჩვენ კონტაქტზე ვართ ადგილობლივ ხელისუფლებასა და სამაშველო სამსახურებთან.

ხოფას გამგებლის ინფორმაციით, ამ დროისათვის ჩართულია სამსახურების სრული რესურსი, აგრეთვე ქართველი და თურქი სამაშველო სამსახურები მუშაობენ ერთობლივად და მიმდინარეობს აქტიური სამძებრო-სამაშველო ღონისძიებები.