ლარის გაუფასურების გამო დღეს ბენზინი კიდევ 2-3 თეთრით გაძვირდა. ფასების ზრდის გამომწვევ ფაქტორებზე საუბრობს ნავთობპროდუქტების იმპორტიორთა კავშირის თავმჯდომარე, ვანო მთვრალაშვილი.

„აგვისტოს თვის შემდგომ არის 18 პუნქტით არის გაუფასურებული, რომელიც, პირდაპირ, სამწუხაროდ, ნეგატიურ გავლენას ახდენს საწვავის ფასზე და შესაბამისად, მოლოდინები ნამდვილად არ არის ოპტიმისტური. თუ ვითარება გარკვეულწილად არ შეიცვალა ამ მოცემულობებთან დაკავშირებით ფასების გარკვეული ზრდა შესაძლებელია მომავალშიც მოხდეს,“ - განაცხადა ვანო მთვრალაშვილმა.