GWP-ის თანამშრომელი ცეცხლსასროლი იარაღიდან დაჭრეს? - შსს მარიამობის ღამეს მომხდარ ფაქტს იძიებს

შემთხვევა - 11:12, 31 Aug, 2018

1877

შეიარაღებული თავდასხმა თუ დაზიანება სამუშაოს მიმდინარეობისას. შინაგან საქმეთა სამინისტროში კომპანია ,,GWP,“-ის თანამშრომლის სხეულის დაზიანების ფაქტზე გამოძიება სისხლის სამართლის კოდექსის 124-ე მუხლით მიმდინარეობს.
წყალგამანაწილებელი კომპოანიის 26 წლის თანამშრომელს დაზიანებები თავის არეში აქვს მიყენებული. შემთხვევა 28 აგვისტოს, მარიამობის დღესასწაულზე მოხდა.
ერთ-ერთი დაუდასტურებელი ინფორმაციით, ერეკლე კაჭახიძეს თავს დაესხნენ და ცეცხლსასროლი იარაღიდან ესროლეს.

პირველ საუნივერსიტეტო კლინიკაშია ადასტურებენ, რომ მათ პაციენტი მიიღეს, რომელიც ჭრილობა ჰქონდა საფეთქლის არეში.

ერეკლე კაჭახიძემ კლინიკაც ხელწერილით დატოვა.

ჯორჯიან ვოთერ ენდ ფაუერში აცხადებენ, რომ ერეკლე კაჭახიძემ თავის არეში დაზიანებები სამუშაოების წარმოებისას მიიღო.

"ნიუპოსტი" კომენტარისთვის შინაგან სამეთა სამინისტროს დაუკავშირდა, სადაც აღნიშნეს, რომ დანიშნულია ექსპერტიზები.
"შინაგან საქმეთა სამინისტროს გლდანი-ნაძალადევის პოლიციის სამმართველოში კომპანია ,,GWP,“-ის თანამშრომლის სხეულის დაზიანების ფაქტზე გამოძიება სისხლის სამართლის კოდექსის 124-ე მუხლით მიმდინარეობს. დანიშნულია შესაბამისი ექსპერტიზები.
28 აგვისტოს, 112-ზე შემოვიდა შეტყობინება, სადაც აღნიშნული იყო რომ გლდანი-ნაძალადევის რაიონში ,,GWP“- აწარმოებდა გეგმიურ სამუშაოებს, რა დროსაც კომპანიის თანამშრომელმა ე.კ-მ სხეულის დაზიანებ მიიღო. მომხდარ ფაქტთან დაკავშირებით გამოძიება სისხლის სამართლის კოდექსის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს"- აცხადებენ უწყებაში.