ანაკლიაში მიმდინარე ფესტივალზე დაუდგენელი ნივთიერებით 10-მდე ადამიანი მოიწამლა

საზოგადოება - 21:06, 25 Aug, 2018

5905

კურიერის ინფორმაციით, ანაკლიაში მიმდინარე ფესტივალზე 10-მდე ადამიანი დაუდგენელი ნივთიერებით მოიწამლა, 22 წლის გიორგი ნიშნიანიძე კი საავადმყოფოში მიყვანამდე გარდაიცვალა. სავარაუდოდ ფესტივალის მონაწილეების ინტოქსიკაციის მიზეზი, კუსტარულად დამზადებული ნარკოტიკი გახდა, რომლის დასახელებაც უცნობია.

გავრცელებული ინფორმაციით, მოწამლული პირების შესაბამისი სამედიცინო დახარება გაეწიათ და მათი ჯანრთელობის მდგომარეობა დამაკმაყოფილებელია.

რა ნივთიერება ვრცელდება ანაკლიაში, უცნობია ფესტივალის ორგანიზატორებისთვის, მათი თქმით, ფესტივალი ტერიტორიაზე საერთაშორისო სტანდარტებით არის უსაფრთხოების ყველა ნორმა დაცული:

"ვცდილობთ, ყველას დავეხმაროთ, თუ რამე პრობლემა აქვთ. ასევე ვცდილობთ მსგავსი ტრაგიკული ფაქტი აღარ განმეორდეს. ყველა სამსახური მობილიზებულია, პოლიცია, სასწრაფო."- განაცხადა ECHOWAVES-ის ორგანიზატორმა, ბრანე კოსტადინოვმა.

შეგახსენებთ, შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის და ცენტრალური კრიმინალური პოლიციის დეპარტამენტის თანამშრომლებმა ერთობლივად ჩატარებული საგამოძიებო ღონისძიებების შედეგად სოფელ განმუხურში მიმდინარე ელექტრონული მუსიკის ფესტივალზე ნარკოდანაშაულისთვის 4 პირი დააკავა.

სამართალდამცველებმა რამდენიმე დღიანი ოპერატიული-საგამოძიებო მუშაობის შედეგად ფესტივალის დაწყებიდან პირველივე დღეს ირანის 2 და საქართველოს 2 მოქალაქე ნარკოტიკული საშუალებების უკანონო შეძენა-შენახვის ბრალდებით დააკავეს.