„მშობლები აიძულეს, რომ მკვდარ შვილებზე ცუდად ესაუბრათ“ - მილიციამ ჩეჩნეთში ორი არასრუწლოვანი სადისტურად მოკლა

შემთხვევა - 10:35, 23 Aug, 2018

6948

ჩეჩნეთში მილიციამ ორი არასრუწლოვანი - 11 და 15 წლის ბიჭი მოკლა. ამის შესახებ ჟურნალისტი სულხან ბორძიკაშვილი სოციალურ ქსელში წერს და ფოტოებსაც ავრცელებს. „გავრცელებული ინფორმაციით ჩეჩნეთში (კადიროვეთი ) მოკლეს ორი არასრულწლოვანი, 11 წლის და 15 წლის. როგორც ახლობლები ამბობენ, მათ ახლობლის მანქანა ჩაუვარდათ ხელში და ატარებდნენ, რა დროსაც მილიციას შეხვდნენ, ამ დროს მათ შეეშინდათ და გაიქცნენ, თუმცა კადირიველებს როგორც შეეფერებათ და სჩვევიათ მაშინვე დახოცეს ისინი.

სიტუაციაში გარკვევის შემდეგ კი, როგორმე ეს ფაქტი რომ დაემალათ, წარსულში ნასამართლევი კიდევ ორი ადამიანი მოკლეს, რაც გააფორმეს როგორც ტერორისტულ თავდასხმად და ესენი ტერორისტულ ჯგუფად გამოაცხადეს.

მოკლედ: ორი ვერსია. 1) კადიროველები: ტერორისტული თავდასხმა. 2) რუსეთსგარეთ მცხოვრები ჩეჩნები და ოჯახის ახლობლები: ის სიტუაცია რაც აღვწერე.

P.S მშობლები, რა თქმა უნდა აიძულეს, რომ მკვდარ შვილებზე ესაუბრათ ძალიან ცუდად, როგორც ამბობენ მათ დანარჩენი შვილების საკეთილდღეოდ ეს გააკეთეს.

გაგიკვირდებათ და ბუნებაში არსებობს ადამიანის სახეობა, ვინც კადიროვის რეჟიმს უჭერს მხარს.“ - წერს ჟურნალისტი.