ოკუპირებული ცხინვალის ციხეში წამებით მოკლული არჩილ ტატუნაშვილის ოჯახს სტრასბურგის სასამართლოში სარჩელი შეაქვს. მოკლულის ოჯახის წევრებს იმედი აქვთ, რომ სასამართლო პირველად ვერსიას გაიზიარებს და დაადგენს, რომ ტატუნაშვილი წამებით არის მოკლილი. ისინი ყველა დამნაშავის დასჯის იმედს გამოთქვამენ:

„რადგან ეს დოკუმენტაცია იგზავნება სტრასბურგში, იმედი მომეცა სიმართლის დადგენის. მე თუ ვერ მოვესწრები, ჩვენი მომავალი თაობა მოესწრება, დაინახავს როგორ არაადამიანურად აწამეს ჩემი შვილი და პასუხი უნდა აგონ იმათ. აუცილებლად უნდა აგონ, არ უნდა დარჩნენ დაუსჯელები,“ - ამბობს არჩილ ტატუნაშვილის დედა, რუსუდან ტატუნაშვილი.