"ტელეარხი რომ მაქვს ბიძინა ივანიშვილის დამსახურებაა"- „ხარისხის არხის“ დამფუძნებელი "სილქნეტში" მაღალ თანამდებობაზე მუშაობს

საზოგადოება - 12:46, 22 Aug, 2018

5634

ტელეკომპანია „ხარისხის არხის“ დამფუძნებელი გიორგი ასათიანი, რომელიც ამავე არხზე თანადამფუძნებელ დავით გიორგობიანთან ერთად უძღვება გადაცემას „დასაბამიდან სასუფევლამდე“, ინტერნეტსივრცეში განსაკუთრებული პოპულარობით სარგებლობს. ორი წამყვანის დებატებზე შექმნილი ვიდეორგოლები სოციალური ქსელების და იუმორისტული შოუების ჰიტებად იქცა. როგორც გიორგი ასათიანი ჟურნალ „სარკესთან“ ინტერვიუში აცხადებს, ტელეარხი რომ აქვს, ეს ბიძინა ივანიშვილის დამსახურებაა:

„ბიძინა ივანიშვილის დამსახურებაა, ტელეარხი რომ მაქვს, თუმცა, როცა სპეციალურად უფუჭებდნენ აპარატურას, მას ჩემი ხელით აწყობილ ტექნიკას ვუგზავნიდი.

პირველი მაღალი გარჩევადობის ტელევიზიის შემქმნელი ვარ საქართველოში. ახლა „სილქნეტში“ ბიძინა ბარათაშვილის მოადგილე ვარ. ყველაფერი ჩემი ხელით ავაწყვე. დაახლოებით 70 ტელეკომპანია მაქვს ამ ხელებით აწყობილი.

ბიძინა ივანიშვილმა პირობები შეგვიქმნა. მიშას დროს რომ გამოვთქვი სურვილი, ტელეკომპანია გამეკეთებინა, კუდიდან შემომითვალეს, არც გაბედოო, ბიძინას მოსვლიდან ერთ კვირაში ტელეარხი გავაკეთე.

ტელეარხი იმიტომ მინდოდა, რომ „რუსთავი2“-მა ქართველ ერს შეუცვალა აზროვნება და დანერგა ისეთი მცნებები, რაც ქრისტიანობისთვის მიუღებელია.“- აცხადებს გიორგი ასათიანი.

წყარო: ჟურნალი „სარკე“