შავი ზღვის უნივერსიტეტისთვის ავტორიზაციის შეჩერების საკითხი - მომხდარს უსამართლოს და სტუდენტების უფლებების დარღვევას უწოდებენ უნივერსიტეტის ხელმძღვანელი პირები.

უნივერსიტეტის ადმინისტრაციაში აცხადებენ, რომ ავტორიზაციის საბჭომ არ გაითვალისწინა იმ სტუდენტების უფლებები, რომლებმაც მისაღები გამოცდების დროს სწორედ შავი ზღვის საერთაშორისო უნივერსიტეტი აირჩია.

„სტუდენტების უფლებების დარღვევად მიმაჩნია ეს, როდესაც სტუდენტს უნდა ისწავლოს ზუსტად აქ, შემოხაზა ეს უნივერსიტეტი, რატომ უნდა დაირღვეს მისი უფლება და წავიდეს სხვა უნივერსიტეტში?

მიზეზიც, ჩემი აზრით, არ არის ისეთი დამაჯერებელი და არგუმენტირებული, რადგან ყადაღის პრობლემა შესაძლებელია ერთ დღეში მოიხსნას“-ამბობს შავი ზღვის უნივერსიტეტის ჰუმანიტარულ მეცნიერებათა სადოქტორო პროგრამების ხელმძღვანელი თამარ შიოშვილი.

როგორც უკვე ცნობილია, ავტორიზაციის შეჩერების მიზეზი 700 000 ლარიანი ჯარიმა გახდა, რომელიც უნივერსიტეტს აქვს დაკისრებული და დავა სასამართლოში გრძელდება.