ჩერნოვეცკის ფონდის მცირე საოჯახო ტიპის სახლმა, რომელიც ქობულეთში მდებარეობს, მოაწყო აქცია „ჩვენ გვიყვარს საქართველოს ბუნება“. იგი მიეძღვნა ადამიანის ცხოვრებაში წყლის როლის ფაქტორს. სალექციო კურსის შემდეგ ღონისძიება ბუნების წიაღში გაგრძელდა. მოზარდები განსაკუთრებით დაინტერესდნენ შავი ზღვის დაბინძურების საკითხებით და თავად გამოთქვეს სურვილი ქობულეთის სანაპიროს გარკვეული ადგილის დასუფთავების თაობაზე. აღსანიშნავია, რომ მცირე საოჯახო ტიპის სახლის აღსაზრდელებმა ტურისტებს დაურიგეს სპეციალური ბროშურები და მოუწოდეს მათ ბუნების დაცვისა და მოვლისკენ!

„ბუნებისადმი სიყვარული ბავშვებს ადრიდანვე უნდა ჩავუნერგოთ. ჩვენი ფონდის მცირე საოჯახო ტიპის სახლებში ბუნების გაკვეთილებს განსაკუთრებული ყურადღება ექცევა, თუმცა მარტო ამით არ შემოვიფარგლებით. ხშირად სპეციალიზებულ ღონისძიებებს ვაწყობთ, რომლებშიც მოზარდები აქტიურად მონაწილეობენ“, - განაცხადა ფონდის დირექტორმა ელენე პოლიშუკმა.

ცნობისთვის, ჩერნოვეცკის ფონდი 2012 წლიდან ადმინისტრირებას უწევს სამ მცირე საოჯახო ტიპის სახლს თბილისსა და ქობულეთში.