"გვარამიას, გაბუნიას, ნოდარი მელაძის და ინგა გრიგოლიას გადასაწყვეტი არაა ეკლესიის საქმეები"

"გვარამიას, გაბუნიას, ნოდარი მელაძის და ინგა გრიგოლიას გადასაწყვეტი არაა ეკლესიის საქმეები" - მეუფე იაკობი ციანიდის საქმეზე

საზოგადოება - 17:10, 12 Aug, 2018

5705

პატრიარქის ქორეპისკოპოსმა მეუფე იაკობმა დღევანდელ ქადაგებაზე, დეკანოზ მამალაძეზე საუბრისას აღნიშნა, რომ ის არ არის შეწყალების წინააღმდეგი, თუმცა ეს პრეზიდენტის გადასაწყვეტია. მეუფე მიიჩნევს, რომ დეკანოზი პატრიარქი მოშორებას ცდილობდა. ქორეპისკოპოსმა დღეს მედიის წარმომადგენლებიც გააკრიტიკა და აღნიშნა, რომ დეკანოზ მამალაძის საქმე ჟურნალისების გადასაწყვეტი არაა. მეუფეს კრიტიკის ობიექტები ნიკა გვარამია, ნოდარ მელაძე, გიორგი გაბუნია და ინგა გრიგოლია გახდნენ.

"შეხედეთ, თითქმის ორი წელია მაგათ ავაზაკობას ვითმენ, ვუსმენ. არ გეგონოთ რომ შეწყალების მოწინააღმდეგე ვარ. პრეზიდენტის გადასაწყვეტია უდნა შეიწყალოს თუ არა. ვერ ჩავერევი იმიტომ, რომ მე პრეზიდენტი არ ვარ. ვისაც პატრიარქის მოცილება უნდა და იმას კაცად აცხადებენ, თავიდანვე, რომ კაცი არ არის ის როგორ უნდა იყოს კაცი ან მღვდელი. დაგვაცადონ ჩავატარებთ სინოდს და ყველა ვნახავთ ვინა რის მტერი ეკლესიის და ვინა რის მოყვარე. ასე არ შეიძლება, რომ გვარამიას გადასაწყვეტი, გაბუნიასი და მესამე, რომ ჰყავთ ნოდარი მელაძის გადასაწყვეტი, არ არის და არც ინგა გრიგოლიას გადასაწყვეტი არ არის ეკლესიის შიდა საქმეები. გამოუშვან არანაირი პრობლემა არ მაქვს, მაგრამ რასაც ვითმენდი როცა ციხეში იყო, მე რომ მაბრალებდნენ, თითქოს დავაჭერინე, მე დავგეგმე ციანიდი?. მაგათ რა ჰგონიათ არ ვიტყვი რას აპირებნდენ?. იმიტომ მებრძვიან რომ არ დავანებე და მაგას ყველას დავუმტკიცებ. ზოგი გრიგოლიას კალთას ეფარება, ზოგი ამ მელაძის. ბერობა და ეპისკოპოსობა ლაჩრობას არ ნიშნავს, ჩემს პატრიარქს ბოლომდე დავიცავ, იცოდეთ! და საკმაოდ დიდი ძალაა, რომელიც დაიცავს" - განაცხადა იაკობმა დღევანდელ საკვირაო ქადაგებისას.