თუშეთში ამინდის გაუარესების გამო, ფშაველი-აბანო-ომალოს საავტომობილო გზაზე ტრანსპორტის გადაადგილება აკრძალულია. თუშეთისკენ მიმავალ გზაზე მოძრაობას საპატრულო პოლიცია აკონტროლებს.

ბოლო ინფორმაციით, წვიმის შედეგად დაგუბებულ ტბაში წყლის დონემ მოიმატა და გზის სავალი ნაწილი ნაწილობრივ დაფარა.

„შემთხვევის ადგილზე მობილიზებულია ტექნიკა. წვიმს და სამუშაოები მას შემდეგ დაიწყება, რაც ამინდი გაუმჯობესდება. წვიმის შედეგად ტბაზე წლის დონემ მოიმატა, რის გამოც, გზის ამ მონაკვეთზე გადაადგილება აიკრძალა. მოსახლეობას თხოვნით მივმართავ, თავი შეიკავონ თუშეთში გადაადგილებისგან, ვიდრე არ გამოიდარებს“, – განაცხადა ახმეტის მერმა იოსებ ქარუმაშვილმა.