მოზარდების მკვლელობის საქმე - სასამართლომ დანაშაულის დაფარვისთვის წინასწარ პატიმრობაში მყოფი სამი პირი დარბაზიდან გაათავისუფლა. აღნიშნულ ფაქტს მოკლული მოზარდის დავით სარალიძის მამა ზაზა სარალიძე გამოეხმაურა. სარალიძემ ანონსები დააანონსა, შერჩევით სამართალზე ისაუბრა და საზოგადოებას მხარდაჭერისკენ მოუწოდა:

"მე არ ვაპირებ უკან დახევას, ეს ბრძოლა გაგრძელდება ბოლომდე, ერთი შემიძლია პირდაპირ ვთქვა, წიწილებს შემოდგომაზე ითვლიან. მე პირადად და არა მარტო მე, ბატონი მალხაზი და ქალბატონი ელისოც უკვე ძალიან დიდი საფრთხის ქვეშ ვართ, ამ ხელისუფლებისგან. ჩემს სიცოცხლეს ფაქტია, რომ უკვე საფრთხე ემუქრება, მთელი სახელმწიფო აპარატი ცდილობს ჩემს განეიტრალებას იქიდან გამომდინარე, რომ ძალიან ბევრი ადამიანი ხელისუფლების წარმომადგენლებიც ჩარეული, ჩემი შვილის მკვლელობის საქმის გაყალბებაში. ბოლომდე ვიბრძოლებ და პირდაპირ მინდა მოვუწოდო საზოგადოებას, სექტემბრიდან მე პირადად ვაპირებ აქიცების გაგრძელებას, რაშიც დამჭირდება ხალხის გვერდით დგომა. არა მარტო იმაში, რომ ჩემი შვილის მკვლელობის საქმე გაიხსნას, არამედ ერთხელ და სამუდამოდ უნდა დასრულდეს შერჩევითი სამართალი ჩვენს ქვეყანაში. ერთხელ და სამუდამოდ უნდა იზეიმოს ქართველმა ხალხმა ჭეშმარიტება და სამართალი, ძალიან გთხოვთ ყველას, აქ არ არის საუბარი მხოლოდ ჩემი შვილის მკვლელობაზე, საქართველოს დღესდღეობით და საქართველოს მომავალი თაობა მიემართება უფსკრულისკენ. ძალიან გთხოვთ ერთხელ და სამუდამოდ გავერთიანდეთ ყველა, რათა ეს შერჩევითი სამართალი მოვსპოთ და გავანადგუროთ“, - განაცხადა ზაზა სარალიძემ.