2 თვეში საქართველოს მდინარეებში, ტბებსა და ზღვაში 39 ადამიანი დაიხრჩო

საზოგადოება - 10:34, 08 Aug, 2018

1619

საგანგებო სიტუაციების მართვის სამსახურის ინფორმაციით, მიმდინარე წლის 1-ელი ივნისიდან 1-ელ აგვისტომდე საქართველოს მასშტაბით მდინარეებში, ზღვასა და ტბებში 39 ადამიანი დაიხრჩო, ამავდროულად, აღნიშნულ პერიოდში მაშველებმა 192 ადამიანი გადაარჩინეს.

როგორც ირკვევა, მაშველებმა ზაფხულის პერიოდში მდინარეში 20, ტბაში 11, ხოლო ზღვაში 8 ადამიანი დაიღუპა. რაც შეეხება გადარჩენილებს, მაშველებმა მდინარეში დაღუპვას 11, ტბაში 36, ხოლო ზღვაში 145 ადამიანი გადაარჩინეს.

„მაშველები 24 საათიან მონიტორინგს იმ ადგილებში ახორციელებენ, რომელიც საბანაო ზონად არის მიჩნეული და სადაც დამაგრებულია უსაფრთხოებისა და ამკრძალავი ნიშნები, ტივტივები ზღვაში, რომელიც მოქალაქეებს მიანიშნებს, რომ აღნიშნული ტერიტორიის იქით ცურვა უსაფრთხო არ არის. მათივე თქმით, მაშველები მონიტორინგს არ ახორციელებენ იმ ადგილებში, რომლებიც საბანაო ზონებად მიჩნეული არ არის, მათ შორის, როგორც ზღვისპირეთში, ისე თბილისის წყალსაცავის ტერიტორიაზე, სადაც უბედური შემთხვევები არასაბანაოდ მიჩნეულ ზონებში პერიოდულად ხდება.

მაშველები პერიოდულად პრევენციის მიზნით ასეთ ტერიტორიებზე, მაგალითად, თბილისის ზღვაზე მუდმივად საზღვაო ტექნიკით მოძრაობენ, ხშირად აწყდებიან ფაქტებს, რომ მოქალაქეები ბანაობენ ისეთ ადგილებში, სადაც ცურვა აკრძალული, საშიში და სახიფათოა. მაშველები მათ აფრთხილებენ, რომ იქ არ შეიძლება ბანაობა, თუმცა ეს იმას არ ნიშნავს, რომ მოქალაქეები ამ ადგილებში არ ბანაობენ. თუმცა მაშველები აქ 24 საათიან მონიტორინგს არ ახორციელებენ, მათი მთელი ყურადღება, მთელი რესურსი გადასროლილია იმ ტერიტორიაზე, რომელიც საბანაო ზონად არის მიჩნეული, სადაც არის ბევრად მეტი ხალხი და ხდება იმის მონიტორინგი, რომ ვინმე საფრთხეში არ აღმოჩნდეს“, - აცხადებენ საგანგებო სიტუაციების მართვის სააგენტოს პრესსამსახურში.

მიმდინარე წელს როგორც შავი ზღვის, ისე ე.წ თბილისის ზღვის ტერიტორიაზე ჯამში 140 მაშველის დამატება მოხდა და შავი ზღვის სანაპირო ზოლზე უკვე 200 მაშველი ოპერირებს, ხოლო თბილისის ზღვაზე 100-მდე მაშველი.