"დაკავებისას შახტის წარმოების დირექტორს გულის შეტევა დაემართა და საავადმყოფოშია გადაყვანილი" - ტყიბულში "საქნახშირის" თანამშრომლები დააკავეს

საზოგადოება - 19:50, 06 Aug, 2018

2929

მეტალურგთა, მეშახტე-მაღაროელთა და ქიმიკოსთა პროფკავშირების ინფორმაციით, ტყიბულის მინდელის სახელობის შახტში მომხდარ ტრაგედიასთან დაკავშირებით, "საქნახშირის" ადმინისტრაციის რამდენიმე წარმომადგენელი დააკავეს.

"დღეს, ტყიბულში, 2018 წლის 5 აპრილს მომხდარ ფაქტთან დაკავშირებით შპს ,,საქნახშირი"-ს (ჯი აი ჯი ჯგუფი) ადმინისტრაციის წარმომადგენლების დაკავება დაიწყო.

პირველადი პროფკავშირული ორგანიზაციის წარმომადგენლების მიერ მოწოდებული ინფორმაციის თანახმად ამჟამად დაკავებულები არიან: მურადი აბულაძე (უბნის უფროსი), ტარიელ აბესაძე (უბნის უფროსის მოადგილე), გიზო კირკიტაძე (მთავარი ინჟინერი), აკაკი ახვლედიანი (შახტის დირექტორი), მამული კუბლაშვილი (შახტის მენეჯერი) და კიდევ ერთი პიროვნება, რომლის ვინაობის დაზუსტება ჯერჯერობით ვერ მოხერხდა.

როგორც პირველადი პროფკავშირული ორგანიზაციის წარმომადგენლები ამბობენ, პოლიცია წარმოების დირექტორის გია ქარქაშაძის დასაკავებლადაც მივიდნენ, თუმცა გულის შეტევის გამო იგი საავადმყოფოშია გადაყვანილი.

პროფკავშირის წარმომადგენლებისთვის ჯერჯერობით უცნობია, რას ედავება გამოძიება დაკავებულებს" - აღნიშნულია გავრცელებულ ინფორმაციაში.