„დაბოლილი“ ადამიანები ვერ შეძლებენ მამობას და დედობას

„დაბოლილი“ ადამიანები ვერ შეძლებენ მამობას და დედობას - ბათუმისა და ლაზეთის ეპარქია

საზოგადოება - 21:09, 04 Aug, 2018

2152

ბათუმისა და ლაზეთის ეპარქია საკონსტიტუციო სასამართლოს წინ აქციას აანონსებს, რომელზეც საკონსტიტუციო სასამართლოს 30 ივლისს მიღებულ გადაწყვეტილებას გააპროტესტებენ.

"შეგახსენებთ, რომ ამა წლის 30 ივლისს საკონსტიტუციო სასამართლომ მიიღო ანტი სახელმწიფოებრივი გადაწყვეტილება და ჩვენს შვილებს გზა გაუხსნა ჯოჯოხეთისკენ. ეს გადაწყვეტილება ორმაგად გამანადგურებელია ქართველი ერისთვის, რადგან დაბოლილი და ნარკოტიკზე დამოკიდებული ადამიანები ვერ შეძლებენ ქვეყნის მართვას, პედაგოგობას, ექიმობას, და ასე შემდეგ. ასევე "დაბოლილი" ადამიანები ვერ შეძლებენ მამობას და დედობას რაც განაპირობებს ერის დეგრადაციას და განადგურებას! ჩვენ ვერ შევძელით ჩვენი შვილების არიდება კანაფის მოხმარებისგან მაშინ როცა კანონი იყო მკაცრი და მითუმეტეს დღეს რაოდენ უძლური ვიქნებით ავარიდოთ ჩვენი შვილები ამ საწამლავს! ამიტომ გვმართებს ერთობა, რომ შევძლოთ ჩვენი მომავლის გადარჩენა.
მაღალყოვლადუსამღვდელოესის ბათუმისა და ლაზეთის მიტროპოლიტ დიმიტრის ლოცვა კურთხევით ორშაბათს 16:00 საათზე საკონსტიტუსიო სასამართლოს წინ (მ. აბაშიძისა და ზ. გამსახურდიას ქუჩების კვეთა) გაიმართება მშვიდობიანი აქცია გადავიხდით საჯანმრთელო პარაკლის ჩვენი შვილების კეათილდღეობისათვის და მოვუწოდებთ ხელისუფლებას სასწრაფოდ მიიღოს ზომები ამ პრობლემის გამოსასწორებლად!"- წერია ბათუმისა და ლაზეთის ეპარქიის მიერ სოციალურ ქსელში გავრცელებულ განცხადებაში.
განცხადების ავტორები ამბობენ, რომ აქცია მიტროპოლიტ დიმიტრის სახელითა და მისი ლოცვა-კურთხევით ტარდება.